Հրաման՝ ՔԿ նախագահի՝ 2016 թվականի օգոստոսի 25-ի թիվ 5Լ հրամանում լրացումներ և փոփոխություններ կատարելու մասին
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ՆԱԽԱԳԱՀԻ 2016 ԹՎԱԿԱՆԻ ՕԳՈՍՏՈՍԻ 25-Ի ԹԻՎ 5 Լ ՀՐԱՄԱՆՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«08» 12 2016թ. ք. Երևան ԹԻՎ 8 Լ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին և 5-րդ մասերով և «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով.
ՀՐԱՄԱՅՈՒՄ ԵՄ՝
1. Հայաստանի Հանրապետության քննչական կոմիտեի նախագահի 2016 թվականի օգոստոսի 25-ի «Հայաստանի Հանրապետության քննչական կոմիտեի դեպարտամենտում պետական ծառայության թափուր պաշտոններ զբաղեցնելու համար փակ և բաց մրցույթների անցկացման կարգը, մրցութային հանձնաժողովի կազմը և աշխատակարգը հաստատելու մասին» թիվ 5 Լ հրամանի (այսուհետ՝ Հրաման) 1-ին կետի 1-ին ենթակետով հաստատված հավելված 1-ում (այսուհետ՝ Հավելված 1) կատարել հետևյալ լրացումը և փոփոխությունները.
1) Հավելվածի 1-ի 10-րդ կետը լրացնել հետևյալ բովանդակությամբ նոր 8-րդ ենթակետով.
«8) Փակ կամ բաց մրցույթ անցկացնելու հայտարարությունը դեպարտամենտի անձնակազմի կառավարման վարչության կողմից (այսուհետ՝ անձնակազմի կառավարման վարչություն) ստորագրվելուց հետո կնքվում է դեպարտամենտի ղեկավարի կնիքով:»,
2)Հավելված 1-ի 13-րդ կետից հանել «(այսուհետ՝ անձնակազմի կառավարման վարչություն)» բառերը,
3) Հավելված 1-ի 92-րդ կետում «15 միավոր» բառերը փոխարինել «12 միավոր» բառերով, իսկ «(սույն կարգի 85-րդ կետում նշված առավելագույն միավորի յոթանասունհինգ տոկոսը)» բառերը հանել,
4) Հավելված 1-ի 100-րդ և 105-րդ կետերի «քվեարկության» բառերը փոխարինել «գնահատման» բառերով:
2. Հրամանի 1-ին կետի 2-րդ ենթակետով հաստատված հավելված 2-ում (այսուհետ՝ Հավելված 2) կատարել հետևյալ լրացումները և փոփոխությունները.
1) Հավելված 2-ի 13-րդ կետերի «քվեարկության» բառից հետո լրացնել «և գնահատման» բառերը,
2) Հավելված 2-ը լրացնել հետևյալ բովանդակությամբ նոր 20-րդ կետով.
«20. Հանձնաժողովի կողմից մրցույթի օրվա, ժամի և վայրի փոփոխության վերաբերյալ նախապես տեղեկացվում է դիմումատուներին»:
3. Սույն հրամանն ուղարկել Հայաստանի Հանրապետության քննչական կոմիտեի նախագահի տեղակալներին, Հայաստանի Հանրապետության քննչական կոմիտեի դեպարտամենտի ղեկավարին և Հայաստանի Հանրապետության քննչական կոմիտեի դեպարտամենտի ստորաբաժանումների պետերին:
Ա.Գ. ՀՈՎՍԵՓՅԱՆ